அறத்துபால் | துறவறவியல்|ஊழ்-38

குறள்:371

ஆகூழால் தோன்றும் அசைவின்மை கைப்பொருள்
போகூழால் தோன்றும் மடி

கைப்பொருள்‌ ஆவதற்குக்‌ காரணமான ஊழால்‌ சோர்வில்லாத முயற்சி உண்டாகும்‌; கைப்பொருள்‌ போவதற்குக்‌ காரணமான ஊழால்‌ சோம்பல்‌ ஏற்படும்‌.

 🍁தளத்தில் கதைகளை வாசிக்கும் அன்பானவர்களுக்கு என் மனமார்ந்த நன்றிகள். தங்கள் கருத்தை comments மூலமாக பகிர்ந்து உற்சாகமூட்டவும். பேரன்பும் நன்றிகளும்.🍁  

குறள்:372

பேதைப் படுக்கும் இழவூழ் அறிவகற்றும்
ஆகலூழ் உற்றக் கடை

பொருள்‌ இழத்தற்குக்‌ காரணமான ஊழ்‌, பேதை யாக்கும்‌; பொருள்‌ ஆவதற்குக்‌ காரணமான ஊழ்‌ அறிவைப்‌ பெருக்கும்‌.

குறள்:373

நுண்ணிய நூல்பல கற்பினும் மற்றுந்தன்
உண்மை யறிவே மிகும்

ஒருவன்‌ நுட்பமான நூல்‌ பலவற்றைக்‌ கற்றாலும்‌, ஊழிற்கு ஏற்றவாறு அவனுக்கு உள்ளதாகும்‌ அறிவே மேற்பட்டுத்‌ தோன்றும்‌.

குறள்:374

இருவேறு உலகத்து இயற்கை திருவேறு
தெள்ளிய ராதலும் வேறு

உலகத்தின்‌ இயற்கை, ஊழின்‌ காரணமாக இருவேறு வகைப்படும்‌; செல்வம்‌ உடையவராதலும்‌ வேறு, அறிவு உடையவராதலும்‌ வேறு.

குறள்:375

நல்லவை எல்லாஅந் தீயவாம் தீயவும்
நல்லவாம் செல்வம் செயற்கு

செல்வத்தை ஈட்டும்‌ முயற்சிக்கு, ஊழ்வகையால்‌ நல்லவை எல்லாம்‌ தீயவை ஆதலும்‌ உண்டு; தீயவை நல்லவை ஆதலும்‌ உண்டு.

குறள்:376

பரியினும் ஆகாவாம் பாலல்ல உய்த்துச்
சொரியினும் போகா தம

ஊழால்‌ தமக்கு உரியவை அல்லாத பொருள்கள்‌ வருந்திக்‌ காப்பாற்றினாலும்‌ நில்லாமல்‌ போகும்‌; தமக்கு உரியவை கொண்டுபோய்ச்‌ சொரிந்தாலும்‌ போகா.

குறள்:377

வகுத்தான் வகுத்த வகையல்லால் கோடி
தொகுத்தார்க்கு துய்த்தல் அரிது

ஊழ்‌ ஏற்படுத்திய வகையால்‌ அல்லாமல்‌ முயன்று கோடிக்கணக்கான பொருள்களைச்‌ சேர்த்தவர்க்கும்‌ அவற்றை நுகர முடியாது.

குறள்:378

துறப்பார்மன் துப்புர வில்லார் உறற்பால
ஊட்டா கழியு மெனின்

வரவேண்டிய துன்பங்கள்‌ வந்து வருத்தாமல்‌ நீங்குமானால்‌, நுகரும்‌ பொருள்‌ இல்லாத வறியவர்‌ துறவறம்‌ மேற்கொள்வர்‌.

குறள்:379

நன்றாங்கால் நல்லவாக் காண்பவர் அன்றாங்கால்
அல்லற் படுவ தெவன்

நல்வினை விளையும்போது நல்லவை எனக்‌ கருதி மகிழ்கின்றவர்‌, தீவினை விளையும்போது துன்பப்பட்டுக்‌ கலங்குவது ஏனோ?

குறள்:380

ஊழிற் பெருவலி யாவுள மற்றொன்று
சூழினுந் தான்முந் துறும்

ஊழைவிட மிக்க வலிமையுள்ளவை வேறு எவை உள்ளன? ஊழை விலக்