Topic starter
தரணியின் தமிழ் மகளே வாழ்க
பூரணமாய் என்னுள் நிறைந்தவளே என்தாயே
உன் பிறப்பில் வசந்தம் பூக்கட்டும்
பளிச்சென்ற புன்னகையில் பன்னீர் தூவட்டும்
நம்பிக்கைத் துளிர்கள் மரமாய் வளரட்டும்
வருடங்கள் தோறும் ஏதாவது எதிர்பார்ப்பு
வானம் பார்த்துக் கிடக்கும் பூமியாய்
நடப்பதோ வறண்ட வானிலையாய் என்றும்
எதற்காக ஏங்குவது என்றே தெரியாமல்
நிறைவேறா ஆசைகள் வரிசையில் நிற்க
உன் பிறப்பும் ஒருவகைப் புத்துணர்ச்சி
என்னுள் ஊறிக் கிடக்கும் தமிழமுதமே
இம்முறையும் ஏமாற்றாமல் பூர்த்தி செய்வாயா
கடைமடை பாயும் நீராய்ப் பெருகுவாயா
தமிழ் மகளே என்றும் நீ வாழியவே
ஹரிமாலா
Posted : April 17, 2024 4:42 pm
