தேவையான பொருட்கள்:
ரவை – 1 கப்
சர்க்கரை – 1 கப் (இனிப்பு அதிகமாக வேண்டும் என்றால் 1¼ கப்)
தண்ணீர் – 3 கப்
நெய் – 50 ml
சமையல் எண்ணெய் – 50 ml (ரீஃபைண்ட் ஆயில் மட்டும்)
முந்திரி – தேவையான அளவு
உலர் திராட்சை – தேவையான அளவு
ஏலக்காய் தூள் – ¼ தேக்கரண்டி
கலர் பவுடர் – 1 சிட்டிகை (விருப்பப்படி சிவப்பு/ஆரஞ்சு)
செய்முறை:
முந்திரி, திராட்சை வறுத்தல்
ஒரு கடாயில் 1 ஸ்பூன் நெய் ஊற்றி, முந்திரி மற்றும் உலர் திராட்சையை பொன்னிறமாக வறுத்து தனியாக எடுத்து வைக்கவும்.
ரவா வறுத்தல்
அதே கடாயில் மீண்டும் 1 ஸ்பூன் நெய் ஊற்றி, ரவையை வாசம் வரும் வரை சிவக்க வறுக்கவும். இதையும் தனியாக எடுத்து வைக்கவும்.
தண்ணீர் கொதிக்க வைக்கவும்
3 கப் தண்ணீரை கடாயில் ஊற்றி, அதனுடன் 50 ml எண்ணெய் மற்றும் 50 ml நெய்யில் முக்கால் பாகம் சேர்க்கவும். கலர் பவுடரும் சேர்க்கலாம்.
ரவா சேர்த்து கிளறவும்
தண்ணீர் கொதிக்கும்போது, வறுத்த ரவாவை மெதுவாக சேர்த்து, கட்டி பிடிக்காமல் நன்றாக கிளறவும்.
மூடி வைத்து வேகவைக்கவும்
அடுப்பை சிம்மில் வைத்து மூடி போட்டு 5 நிமிடங்கள் வேகவைக்கவும்.
சர்க்கரை சேர்த்து கிளறவும்
ரவை வெந்ததும் சர்க்கரையை சேர்த்து நன்றாக கிளறவும். சர்க்கரை உருகி, கேசரி அல்வா பதத்திற்கு வரும்.
முந்திரி, ஏலக்காய் தூள் சேர்த்து முடிக்கவும்
இறுதியில் வறுத்த முந்திரி, திராட்சை, ஏலக்காய் தூள் சேர்த்து கிளறி, மீதமுள்ள நெய்யை மேலே ஊற்றி விடவும்.