நீக்குகின்றேன் செதில்களை

அக்கடை கடக்கும் போதெல்லாம்
ஒவ்வாமை தான் எனக்குள்
நாசியினை கைக்குட்டையால்
நுகர்ந்துகொண்ட பின்னும்
ஒவ்வாமை சமிக்ஜை போகாது
அத்தகைய பாவையான யென்னிடம்
மீன் போன்ற கயல்விழி போன்றவளேயென்ற
ஏக வெள்ளித்திரை வசனத்தை பேசியே
அன்பை கொட்டிவிட்டாய்
காதல்யெனும் மரத்தை வளர்த்துவிட்டாய்
அதனாலோ என்னவோ
எனக்கு பிடிக்காத அக்கடையின் வாடையை
சகித்துக் கொண்டு வாங்கி விடுகின்றேன்
உன் தாயின் கை பக்குவத்தில் பாதியாவது
வரவேண்டுமென்ற ஆசையுடன்
நீக்குகின்றேன் மீன் செதில்களை .
                                       -- பிரவீணா தங்கராஜ் .